Naatsorsueqqissaartarfiup ilinniartitaanermut naatsorsuutai
Naatsorsueqqissaartarfik Ilinniagaqarnersiuteqartitsivimmit Ilinniartitaanermut, Kultureqarnermut, Ilisimatusarnermut Ilageeqarnermullu Naalakkersuisoqarfiup (IKIIN) ataanniittumik inunnut Kalaallit Nunaannit ilinniagaqarnersiutisisartunut Kalaallit Nunaanni imaluunniit avataani piginnaalersitsisussanik ilinnartunut paasissutissanik pisarpoq.
Nalunaarsuutit Naatsorsueqqissaartarfimmi misissorneqartarput, ilinniartitaanermilu kisitsisitigut paasissutissanut najoqqutassat pilersinneqartarput. Nalunaarsuutinut periaatsinullu annertunerusumik nassuiaatinut Naatsorsueqqissaartarfiup ukiumut ilinniartitaaneq pillugu kisitsisitigut saqqummersittagai innersuunneqarput.
Naatsorsueqqissaartarfiup ilinniartitaanermut kisitsisitigut paasissutissanik naatsorsuisarnera siunissami taamaallaat UNESCO’p nunanut tamalaanut malitassiaa ISCED2011 malillugu ingerlasassaaq. Taamaattumillu ingerlariaqqiffiusumik ilinniarfiit inuussutissarsiornermi ilinniarfinnut sivikinnernut, bacheloritut qaffasissusilinnut ilinniarfinnut akunnattumik sivisussusilinnut aammalu kandidatitut qaffasissusilinnut ilinniarfinnut sivisunerusunut agguataarneqarsinnaalerput.
Ilinniartitaanermut kisitsisitigut paasissutissat 2016-imi Naatsorsueqqissaartarfimmit iluarsaanneqarput, taamaattumik piffissaq taanna sioqqullugu kisitsisit nikingasinnaapput. Ukiuni kingullerni pingasuni kisitsisit siunissami kisitsisaagallartuusassapput, siusinnerusukkullu kisitsisit inaarutaasumik kisitsisaasassallutik.
Naatsorsueqqissaartarfiup 2016-imi aamma ilinniartitaanermut kisitsisitigut paasissutissat allilerpai, massakkullu Kalaallit Nunaanni ilinniakkat 2003-mit 2015-imut ilinniarfinnut agguataarlugit takuneqarsinnaapput.